جاڭى جىلدا جاڭى اڭسوو

2020-01-26 11:18

  1- ايدىن 25- كۉنۉ پايزاۋات وودانىنىن جەر تىتىرۅۅ ااپات رايونۇنداعى ااپاتقا ۇچۇراعان قالق ار قايسى ورۇنداشتىرۇۇ تۉيۉندۅرۉندۅ كۅكتۅم مايرامىن قۇبانىچتۇۇ ۅتكۅرۉپ، كۅپچۉلۉك جاڭى بئر جىلدا ۇلاندۇۇ كىرەشەنى ارتتىرىپ بايىپ، كۉندۅرۉن دۇۇماندۇۇ جاقشى ۅتكۅرۉۉگۅ ۅز ارا شىقتاندىردى. ەمى ىستانسىيابىز قابارچىسى ياڭجۇنۇن قابارى نازارىڭىزداردا: 

  پايزاۋات ووداندىق 2- باشتالعىچ مەكتەپ ورۇنداشتىرۇۇ تۉيۉنۉندۅ بااردىق جەردە پانۇس چىراقتار ئلىنىپ لەنتالار بايلانىپ، قوروو ىچىندەگى داراق بۇتاقتارىنا پانۇستار ئلىنىپ، جاتاق ەشىكتەرىنە چۉنلئياندار چاپتالدى. ااپاتقا ۇچۇراعان قىشتاق تۇرعۇندارى ۅز ارا جاڭى جىلدارىن قۇتتۇقتاشتى. پايزاۋات وودانى شەكەركۅل شاارچاسى شەكەر قىشتاعىنىن تۇرعۇنۇ رۇشانگۉل ئمام مىنداي دەدى: كۅكتۅم مايرامى جەتىپ كەلدى، بئز جاراشىقتۇۇ كىيىمدەرىبىزدى كىيىپ، رۇحۇ ماانايبىز داعى جوعورۇلادى. پارتئيا جانا ۅكۉمۅت بئز ۉچۉن ار قايسى جاقتارداعى ىچكەلەي جەرلەردى داعى ويلودۇ. بئزدىن تاتىناقاي سۇلۇۇ بولۇپ، قۇبانىچتۇۇ مايرام ۅتكۅرۉۉبۉز ۉچۉن، بىزگە مىنداي شارت جاراتىپ بەردى، مەن ابدان قۇبانىچتامىن. 

  ورۇنداشتىرۇۇ تۉيۉندۅرۉندۅگۉ پارتئيا مۉچۅلۅرۉ كادىرلاردىن ۇيۇمدووسۇندا، قىشتاق تۇرعۇندارى اشقاناعا كەلىپ جۇبابا تۉيۉپ، ار قايسىسىنىن جۇمۇش بۅلۉشتۉرۉۉسۉنۅ نەگىز قىيمانى ارالاشتىرىپ، قامىر جۇۇرۇپ، قامىر جايىپ، قۇبانىچ كۉلكۉنۉن ىچىندە، كۅكتۅم مايرامىنا بولعون قووز تىلەكتەرىن قامتىعان تاقسا- تاقسا جۇبانانى ۉستۅلگۅ چىعاردى. شەكەر قىشتاعىنىن تۇرعۇنۇ مئرىبانگۉل كىرىم مىنداي دەدى: مەن ابدان قۇباندىم، جۇبابا تۉيۉپ جەدىك. پارتئيا جانا ۅكۉمۅت بالدارعا كىيىم كەچە، بۇت كىيىم سىياقتۇۇ كۅكتۅم مايرامدىق بەلەكتەردى جەتكىرىپ بەردى. قايتىپ بارعاندان كىيىن بئز استايدئل جاقشى كۉن ۅتكۅرۉپ، جۇرتۇبۇزدۇ چوعۇۇ قۇرابىز. 

 عولتوعراق شاارچالىق 3- باشتالعىچ مەكتەپ ورۇنداشتىرۇۇ تۉيۉنۉندۅ، قىشتاق تۇرعۇندارى چاي چوعۇلۇشۇن باشتادى. يئڭىباق قىشتاعى پايزاۋات قوونۇن ۅستۉرۉۉ چەبەرى اكىم سايئت بئرىنچى بولۇپ سۅز سۉيلۅپ، جاڭى بئر جىلداعى ۅنۉگۉۉ پئلانىن ايتىپ، ابدان ىشەنىچكە تولدۇ. ال مىنداي دەدى: بىلتىر، مەن 35 مو جەرگە پايزاۋات قوونۇن ۅستۉرۉپ، 100 مئڭ يۇان اقچا تاپقام، بىيىل 50 مو جەرگە ۅستۉرۉۉنۉ ويلوشتۇم، پايزاۋات قوونۇ سوودا بازارىنىن ابزەلدۉۉلۉگۉنۅن پايدالانىپ، ئلىمىي باشقارىپ، قىق قۇيۇپ، تۉشۉم چەنەمىن ارتتىرىپ، پارتئيا جانا ۅكۉمۅتتۉن جالپى بەتكەي الدۇۇ قووم قۇرۇۇسۇنا ۅزۉمدۉن بئر ۉلۉش كۉچۉمدۉ قوشوم. 

〖2020.01.26-11:18〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز