اۋات وودانى ناقتىلۇۇ، قاتۇۇ چارا چىعارىپ، وقۇۇچۇلاردىن ازىق-تۉلۉك قووپسۇزدۇعۇن قورعودۇ

2020-01-15 11:15

  2- تۉركۉمدۅكۉ «العاچقى مۉدۅۅنۉ ۇنۇتپاي، ىيىق مىلدەتتى ەستە بەكەم ساقتوو» نەگىزكى تەما تاربئياسى قۇلاچ جايدىرىلعاندان بەرى، اۋات ووداندىق بازاردى كۅزۅمۅلدۅپ باشقارۇۇ مەكەمەسى مەكتەپتەردىن ايلاناسىنداعى ازىق-تۉلۉك قووپسۇزدۇعۇن اتايى جۅنگۅ سالۇۇ اراكەتىن قۇلاچ جايدىرىپ، وقۇۇچۇلاردىن «ازىق-تۉلۉك قووپسۇزدۇق»ۇن چىنىعى قامتاماسىزداندىردى. ەمى ىستانسىيابىزدىن بۇل جۅنۉندۅكۉ قابارى: 

 مەكتەپتەردىن ايلاناسىنداعى ازىق-تۉلۉك قووپسۇزدۇعۇن اتايى جۅنگۅ سالۇۇ اراكەتىندە، اۋات ووداندىق بازاردى كۅزۅمۅلدۅپ باشقارۇۇ مەكەمەسى 36 كادىردى اجىراتىپ، ووداندىق اعارتۇۇ ئلىم-تەحىنكا مەكەمەسى، قووم-قووپسۇزدۇق مەكەمەسى مەنەن بىرىگىپ 10 اتايى قىزمات گۇرۇپپاسىن قۇرۇپ، بۉت ووداندىن 219 جەرىندەكى مەكتەپ ايلاناسىنداعى ازىق-تۉلۉك تئجاراتچىلارىنا كۅپ جولۇ تەگىن انىقتوو ىڭعايىنداعى اتايى جۅنگۅ سالۇۇنۇ الىپ بارىپ، تەكشەرىپ بايقاعان ماسەلە بار ازىقتاردى تەكچەدەن داروو تۉشۉرگۅن. اۋات ووداندىق بازاردى كۅزۅمۅلدۅپ باشقارۇۇ مەكەمەسىنىن پارتىگۇرۇپپا شۇجئسى، مەكەمە باشچىسى ۋۇ جىيانفىڭ مىنداي دەدى: «وودان چۅلكۅمۉندۅكۉ چاقان ۇستاقانا، ازىق-تۉلۉك دۉڭ تاراتۇۇ بۅلۉمچۅلۅرۉنۅ قاراتا تازالاپ ىرەتكە سالۇۇ الىپ بارىپ، تولۇمسۇز مايدا جەمەكتىكتەرگە، تولۇمسۇز مايدا جەمەكتىكتەردى باشقا دۉكۅندۅرگۅ دۉڭ ساتۇۇعا تىيۇۇ سالدىق». 

  اۋات ووداندىق 3- بالدار باقچاسىندا وقۇي تۇرعان وقۇۇچۇنۇن ەنەسى ما جئنيىڭ مىنداي دەيت: «مۇردا بالدار دۉكۅنگۅ جە تاندا بازارىنا بارعاندا، وشول تاشتاندى جەمەكتەردى كۅرۉپ ەلە جەگىسى كەلچۉ. ازىر دۉكۅندۅردۅ انداي تاشتاندى جەمەكتەر قالعان جوق، بۇل بالدارعا قاراتا اياباي جاقشى ئش بولدۇ.» 

  بازاردى كۅزۅمۅلدۅپ باشقارۇۇ تارماقتارى داعى بۉت وودانداعى ازىق-تۉلۉك ۅندۉرۉۉچۉ چاقان ۇستاقانا، مەكتەپ جانا ايلاناسىنداعى اشقانا، تاماققانالاردىن تئجاراتىن كۅزۅمۅلدۅپ باشقارىپ، وقۇۇچۇلاردىن «ازىق-تۉلۉك قووپسۇزدۇق»ۇنا باشاتىنان كەپەلەتتىك قىلدى. اۋات ووداندىق بازاردى كۅزۅمۅلدۅپ باشقارۇۇ مەكەمەسىنىن كادىرى جوۋ شئياۋشىياۋ مىنداي دەدى: «بۉت وودان چۅلكۅمۉ بويۇنچا چاقان ۇستاقانالاردىن تەگىن انىقتاپ، زات كىرگىزۉۉنۉ تەكشەرۉۉ سىياقتۇۇ تۉزۉمدۅردۉ اتقاردىبى جوق دەگەندەردى قاتااڭ تەكشەردىك. تالاپقا جەتبەگەن، بالئت، باش الامان، ناچار ازىق-تۉلۉك تئجارات كەرقانالارىنا قاراتا، مۅۅنۅت بەلگىلەپ تۉزۅتۉۉ قۇلاقتاندىرۇۇسۇن تۉشۉردۉك، الار تۉزۅتۉپ بۉتۉرگۅنگۅ چەيىن توقتوبوي تاربئيالاپ جەتەكتەدىك».

   مەكتەپتىن ايلاناسىنداعى ازىق-تۉلۉك قووپسۇزدۇعۇن اتايى جۅنگۅ سالۇۇ اراكەتىن قۇلاچ جايدىرعاندان بەرى، اۋات ووداندىق بازاردى كۅزۅمۅلدۅپ باشقارۇۇ مەكەمەسى تۉزۅتۉۉگۅ بۇيرۇعان قۇلاقتاندىرۇۇدان 72نى تاراتىپ، 6نو دولو تۇرعۇزۇپ، 6 دەلونۇ بۉتۉرۉپ، ازىق-تۉلۉك قووپسۇزدۇق ۅلچۅمۉنۅ جەتبەگەن 15 چاقان ۇستاقاناعا زاكون بويۇنچا تىيۇۇ سالىپ، مەكتەپتەردىن ايلاناسىنداعى ازىق-تۉلۉك قووپسۇزدۇعۇنۇن ازىرقى ابالىن چىنىعى جاقشىلاعان. 

〖2020.01.15-11:15〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز