مەن جۇڭگو شئنجاڭدا قالىپ ۅنۉگۅمۉن

2020-01-13 12:11

  شئنجاڭ مەدىتسىنا داشۅسۉ كىلئنىكا مەدىتسىنا كەسىبىدە وقۇعان پاكىستاندىق وقۇۇچۇ سادام حۇسەيىندىن جۇڭگو شئنجاڭعا كەلىپ بئلىم الىپ جاتقانىنا 9 جىلدان اشتى، بۇل مەزگىلدە، ال حانزۇچا ۉيرۅنگۅندۅن سىرت، داعى كۅپتۅگۅن جۇڭگولۇق دوس تاپقان، وشوندوي ەلە جۇڭگو شئنجاڭعا تەرەڭ مەەر- ماحابات ورنوتقون، بۇل جۅنۉندۅ ىستانسىيابىز قابارچىلارى لەي مئڭ، لئياڭ شۅلەيدىن قابارى:

  «ناق مايدان ۉنۉ: ۋاڭ بايكە، بۉگۉن قاندايسىز؟ـ بولوت، جاقشىمىن ــ ازىر دا وورۇپ جاتابى؟ــ بىرااز وورۇپ جاتات. ــ ەچ نەرسە بولبويت، بئر قانچا كۉندۅن كىيىن جئبىن الساق وورۇباي قالات....» 

 ساارقى ساات 10دون كىيىن سادام حۇسەيىن جەتەكتۅۅچۉ مۇعالئم مەنەن بىرگە شئنجاڭ مەدىتسىنا داشۅسۉنۅ قاراشتۇۇ بئرىنچى دوقتۇرقانا جۉرۅك سىرتقى وورۇلار بۅلۉمۉنۉن جاتاعىنا بارىپ بەيتاپتىن اپەراتسىيادان كىيىنكى قالىبىنا كەلۉۉ ابالىن ەەلەدى. كۅپ جىل ۉيرۅنۉپ ئش جۉزۉنۅن ۅتكۅرۉۉ ارقىلۇۇ، بۉگۉنكۉ كۉندۅ سادام حۇسەيىن بەلگىلۉۉ قىيىندىق داراجاسى بار سىرتقى وورۇلار اپەراتسىياسىن ۅز الدىنچا جاساي الا تۇرعان بولدۇ، انىن دوقتۇرلۇق ۅنۅرۉ جەتەكتۅۅچۉ مۇعالئمنىن مويۇندووسۇنا ەە بولۇپ ەلە قالباستان، داعى بەيتاپتاردىن مويۇندووسۇنا جانا جاقشى بااسىنا ەە بولعون.  

  ۉيرۅنۉۉ، قىزماتتان سىرت، سادام حۇسەيىن دەنە تاربئيا قىيمىلدارىنا قاتىشۇۇنۇ ايرىقچا جاقشى كۅرۅت، مىندا ساڭوور توپ دەنە اراكەتىن ال ەڭ جاقتىرات، وشوندوي ەلە بۇل دا انىن جۇڭگودو دوس تابۇۇ، حانزۇچا ۉيرۅنۉۉدۅكۉ جاقشى داناكەرىنە ايلانعان. سادام حۇسەيىن مىنداي دەدى: ساڭوور توپ وينوپ كۅپتۅگۅن كىشىلەر مەنەن تاانىشتىم، الار مەنەن بئر قانچا اي ماشىعىپ، ىلگەرلۅۅم ابدان چوڭ بولدۇ، كىيىن مەن ار جىلى بۉت شئنجاڭداقى (كەسىپتەن سىرتقى) ساڭوور توپ جارىشىندا الدىنقى ۉچۉنچۉلۉكتۉ قولعو كەلتىردىم.  

  كۅپ جىلدىن الدىندا، سادام حۇسەيىندىن ۉي-بۉلۅسۉ گەرمانىياعا كۅچۉپ كەتكەندىكتەن، اعاسى دا انى گەرمانىياعا بارىشىن ۉمۉت قىلعان، بئروق سادام حۇسەيىندىن ۅزۉنۉن ويۇ بار، ال مىنداي دەيت: ساباقتاشتارىمدان شئنجاڭ مەدىتسىنا داشۅسۉ مەنەن بئزدىن ماملەكەتتىن قىزماتتاشتىعى بار ەكەنىن ۇقتۇم، مەن جاقشى ەكەن دەپ، شئنجاڭ مەدىتسىنا دشۅسۉنۅ بارىپ وقۇۇنۇ ۅتۉنۉپ، ۉچ تۅرت جىل ىچىندە اپەراتسىيادا بئرىنچى جاردامچى بولۇپ جەتىشىپ چىعۇۇنۇ ۉمۉت قىلدىم، بۇل مەنىن نئشاانىم.  

  بئر قانچا جىلدان بەرى، سادام حۇسەيىن جۇڭگو شئنجاڭدا ماشئنا ايدوو كۉبۅلۉگۉن سىنوو بەرىپ العاندان سىرت، داعى جەڭىل ماشئنا ساتىپ العان، وشوندوي ەلە پاكىستاندا سىنووعو قاتىشىپ ۋىراچتىق تولۇمدۇۇلۇق كۉبۅلۉگۉن العان. ۅزۉنۉن كەلەچەگى جۅنۉندۅ سۅز بولعوندو، سادام حۇسەيىن جۇڭگو شئنجاڭدا قالىپ ۅنۉگۉۉ ويۇ بار ەكەنىن ايتىپ مىنداي دەدى: اسپىرانتتىقتى بۉتۉرگۅندۅن كىيىن دوكتورۇلۇق سىنووسۇنا قاتىشام، مەن چىمىرقانىپ ۉيرۅنۉپ ۋىراچتىق تولۇمدۇۇلۇق كۉبۅلۉگۉن الىپ، انان شئنجاڭدا جاشايمىن، مەن شئنجاڭدى ابدان جاقتىرامىن، شئنجاڭ چىنىندا سونۇر جەر. 

外国人眼中的新疆〖2020.01.13-12:11〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز