جىبەك جولۇ ەكونومىكالىق القاق ۅزۅكتۉۉ رايونۇن تاانىشتىرۇۇ جانا تۉيۉندۉۉ تۉرلۅرگۅ قول قويۇشۇۇ ازەمى

2019-11-07 18:12

 2-كەزەكتۉۉ جۇڭگو ەل ارالىق ئمپورت كۅرگۅزمۅسۉنۉن جىبەك جولۇ ەكونومىكالىق القاق ۅزۅكتۉۉ رايونۇن تاانىشتىرۇۇ جانا تۉيۉندۉۉ تۉرلۅرگۅ قول قويۇشۇۇ ازەمى ۅتتۉ.

 11-ايدىن 6-كۉنۉ تۉشتۅن مۇرۇن، شاڭحايدا 2-كەزەكتۉۉ جۇڭگو ەل ارالىق ئمپورت كۅرگۅزمۅسۉنۅ قاتىشىپ جاتقان شئنجاڭ سوودا توبۇ جىبەك جولۇ ەكونومىكالىق القاق ۅزۅكتۉۉ رايونۇن تاانىشتىرۇۇ جانا تۉيۉندۉۉ تۉرلۅرگۅ قول قويۇشۇۇ ازەمىن ۅتكۅرۉپ، توۋار سووداسى، تەيلۅۅ سوودا قاتارلۇۇ سالاالارعا قاتىشتۇۇ جالپى 11 تۉردۉۉ قىزماتتاشتىق كەلىشىمىنە جانا ماقساتناماعا قول قويۇشتۇ. ىستانسىيابىز قابارچىسى دوڭ جىيوڭدۇن قابارى نازارىڭىزداردا:

  قىيمىل ناق مايدانىندا، ورۇسىيانىن جاڭى سئبىرىيا وبلاستىق سوودا ۅنۅرجايچىلار سوودا قوومۇ، شئنجاڭ ەل ارالىق قۇرعاقتىق پورت(توبۇ) چەكتۉۉ جووپتۇۇلۇق شەرىكتىگى، قاراماي شاارى، ۉرۉمچۉ جوعورۇ جاڭى تەحنىكا اچىپ ۅنۉكتۉرۉۉ رايونۇ (جاڭىشاار رايون)دۇق سووداگەر چاقىرۇۇ تەيلۅۅ مەكەمەسى قاتارلۇۇ ورۇندار جىبەك جولۇ ەكونومىكالىق القاق ۅزۅكتۉۉ رايون قۇرۇلۇشۇن تاانىشتىرۇۇ بويۇنچا سۅز سۉيلۅدۉ.

 شئنجاڭ ەل ارالىق قۇرعاقتىق پورت(توبۇ)چەكتۉۉ جووپتۇۇلۇق شەرىكتىگى كۅرگۅزمۅگۅ قاتىشۇۇچۇلارعا شئنجاڭ ەل ارالىق قۇرعاقتىق پورت توبۇ مەنەن قۇرعاقتىق پورت رايونۇنداقى جۇڭگو-ەۋروپا كەزەكچى پويۇزدارىن تاانىشتىردى ارى بەيجىن فىڭشئياڭ ئلىم-تەحنىكا چەكتۉۉ شەرىكتىگى، شىنجوۋ يئچئياۋ ماالىمات تەيلۅۅ چەكتۉۉ جارناق شەرىكتىگى، حۇاحى ەل ارالىق سوودا ىشتەر كەڭەش بەرۉۉ اپپاراتى قاتارلۇۇ ۉچ كەرقانا مەنەن بۇيۇمدۇق ىنتەرنەت ماالىماتى جانا اقىل جۅندۅمدۉۉ قۇرعاقتىق پورتۇن ىمەرچىكتەي ۉچ قىزماتتاشتىق توقتومۇنا قول قويۇشتۇ. شئنجاڭ ەل ارالىق قۇرعاقتىق پورتۇ(توبۇ)چەكتۉۉ جووپتۇۇلۇق شەرىكتىگىنىن ورۇن باسار باش دىرەكتورۇ چىن لئحۇي مىنداي دەدى:-بئز قايتىپ بارعاندان كىيىن الار مەنەن تىعىز چىركەشىپ، مىنداي ماالىمات قاينارى، ۅرۉش بايلىعىن تەزدەن بىرىكتىرىپ، توۋار چوعۇلتۇۇ جاعىندا، باقچا قۇرۇلۇشۇ جاعىندا، كەسىپتى چوردوندوشتۇرۇۇ جاعىندا تەز تەمپتە داراجا جوعورۇلاتابىز. 

 شئنجاڭ جىبەك جولۇ قىشقى قار-مۇز دەنە اراكەتىن ۅنۉكتۉرۉۉ چەكتۉۉ شەرىكتىگى دا جۇڭگو بانكەسى جارناق چەكتۉۉ شەرىكتىگى ۉرۉمچۉ بۅلۉمچۅ بانكەسى مەنەن جالپى بەتكەي ىستىراتەگىيالىق قىزماتتاشتىق كەلىشىمىنە قول قويۇشتۇ. شئنجاڭ جىبەك جولۇ قىشقى قار-مۇز دەنە اراكەتىن ۅنۉكتۉرۉۉ چەكتۉۉ شەرىكتىگىنىن كەڭەش باشچىسى لئى جىيانحوڭ مىنداي دەدى: بۇل جولۇ بئز 350 مئللىيون يۇاندىق كەلىشىمگە قول قويۇشتۇق، نەگىزىنەن فۇنكىليور، قار كۉرۅۅ ماشئناسى سىياقتۇۇلاردى ئمپورتتويبۇز، نەگىزى قار-مۇز مايدانىن كەڭىرتىپ قۇرۇۇنۇ ىمەرچىكتەي ئش الىپ بارابىز. بۇل بئزدىن قار مايدانىن قۇرۇۇ ەپكىنىبىزدى تەز ارتتىردى، باش شۇجئى ايتقان 300 مئللىيوندون ارتىق ادام قار-مۇز وينوو ۉچۉن انسايىن زور سالىم قوشوبۇز. 

 مىندان سىرت، جۇڭگو ەل ارالىق سوودا قوومۇ قاراماي بۅلۉمچۅ قوومۇ ورۇسىيا جاڭى سىبىرىيا وبلۇستۇق سوودا ۅنۅرجايچىلار قوومۇ مەنەن قىزماتتاشتىق كەلىشىمىنە قول قويۇشتۇ. تاراپتار ەكونومىكا سوودا بىرىمدىگىن قۇرۇپ، تاراپتار كەرقانالارى اراسىندا سوودا جاسووعو قولدوو كۅرسۅتۉۉنۉ پئلاندادى. ۉرۉمچۉ ەكونومىكا تەحنىكا اچىپ ۅنۉكتۉرۉۉ رايونۇ ( توۋتۇنحى رايونۇ)ن باشقارۇۇ كومىتەتى ورۇسىيا ىۋان چەكتۉۉ جووپتۇۇلۇق شەرىكتىگى مەنەن كەلىشىمگە قول قويۇشۇپ، ورۇسسيادان جانا بوربور ازىيادان توۋار كىرگىزۉۉنۉ ارى ۉرۉمچۉ شاارىندا چوڭ تىپتەكى اشان بازار قۇرۇۇنۇ پئلاندادى. اپتونوم رايوندۇق سوودا ىشتەر نازاراتىنىن ورۇنباسار باشچىسى جوۋ چئياڭ مىنداي دەدى: كەلىشىم تۉرۉ ابدان كۅپ بولدۇ، تۉشۉم كىرگىزۉۉ، كەسىپ كىرگىزۉۉ جانا تەيلۅۅ قىزماتتاشۇۇلار بار، بۇل شئنجاڭدىن وموقتۇۇلۇق پايداسىنىن قويو بەرىلۉۉسۉ كەرقانالاردىن سىرتقا چىعۇۇ، كىرگىزۉۉ ىشەنىچى مەنەن قايراتىن زور داراجادا اشىرعانىن تۉشۉندۉرۅت. تۉشۉمدۅن تۉرگۅ، اندان كەسىپ جانا تەيلۅۅگۅ چەيىن جوعورۇلاشى، بئزدىن شئنجاڭدىن سىرتقا اچىپ جىبەرۉۉسۉ بەلگىلۉۉ داراجاعا ۅنۉككۅندۉگۉنۉن ۇنىۋەرسال چاعىلدىرىلىشى سانالات.

〖2019.11.07-18:12〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز