شئنجاڭدان 200 دۅن اشۇۇن كەرقانا 2- كەزەكتۉۉ جۇڭگو ەل ارالىق ئمپورت كۅرگۅزمۅسۉنۅ قاتىشتى

2019-11-06 19:20

11- ايدىن 5- كۉنۉ 2- كەزەكتۉۉ جۇڭگو ەل ارالىق ئمپورت كۅرگۅزمۅسۉ شاڭحايدا ۅتتۉ، اپتونوم رايونۇبۇز 200 دۅن اشۇۇنۇ كەرقانانى كۅرگۅزمۅگۅ قاتىشۇۇعا ۇيۇمداپ، قىزماتتاشتىق، ۅنۉگۉۉ وڭۇتۇنا ىشتىكتۉۉ تالپىندى. ىستانسىيابىز قابارچىسى دوڭ جئيوڭدۇن بۇل جۅنۉندۅكۉ قابارى نازارىڭىزداردا. 

 شئنجاڭ تئيانشان ايىل- قىشتاق امانات-قارىز، ايىل چاربا ماشئنالارى چەكتۉۉ جووپتۇۇلۇق شەرىكتىگىنىن اتالعان كۅرگۅزمۅگۅ بئرىنچى جولۇ قاتىشۇۇسۇ، ايىل- چاربا ماشئنالارى جابدۇۇلارىن جانا پارچا زاپچاستارىن ساتۇۇ كەرقاناسى قاتارى الاردىن تۉشۉمدۅرۉنۉن جارىمى ئمپورتتولوت. شەرىكتىكتىك ورۇن باسار باش دىرىكتورۇ مئڭ دوڭ مىنداي دەدى:« بىلتىرقى تۇنعۇچ كەزەكتۉۉ جۇڭگو ەل ارالىق ئمپورت كۅرگۅزمۅسۉنۅ قاتىشپاعانبىز، بىيىل شەرىكتىبىز ەرتەلەپ قاتتاتتى، بئز العان كۅرگۅزمۅدۅ داعى دا قىزماتتاشۇۇعا جەتۉۉنۉ ۉمۉت قىلابىز، بئز كەلەر جىلدىق 100 مئللىيوندون 120 مئللىيون يۇانعا چەيىن پارچا تەتىكتەردى ئمپورت قىلۇۇعا اجاتبىز، وشوندۇقتان كۅرگۅزمۅگۅ قىزماتتاشاتۇرعاندار باربى دەپ كەلدىك». 

شئنجاڭ ازئيا- ەۋروپا ەل ارالىق بۇيۇم سوودا بوربورۇ چەكتۉۉ شەرىكتىگى بىلتىر تۇنعۇچ كەزەكتۉۉ جۇڭگو ەل ارالىق ئمپورت كۅرگۅزمۅسۉندۅ ۅزبەكىستان مەنەن 2000 توننالىق اش- تاماق چىيكى ماتىرىيال ساتىپ الۇۇ بۇيرۇتما كەلىشىمىنە قول قويۇشقان. شەرىكتىك ەل ارالىق سوودا ىشتەر بۅلۉمۉنۉن دىرىكتورۇ شيوڭ شۅحۇا مىنداي دەدى:« 1- كەزەكتۉۉ كۅرگۅزمۅ اياقتاعاندان كىيىن بئز ۅزبەكسىتانداعى زاۋوتقو بارىپ توۋاردى كۅرۉپ، ساپاتىنان اياباي ىرازى بولۇپ، ۇزۇن مەزگىلدۉۉ قىزماتتاشتىق كەلىشىمىنە قول قويۇشتۇق، 2- كەزەكتۉۉ ئمپورت كۅرگۅزمۅسۉندۅ بئز ۅزبەكىستاندان باشقا كەە بئر ورتو ازئياداعى ماملەكەتتەر جانا شاڭحاي كۅمۅكتۅشتۉك ۇيۇمۇ مۉچۅ ماملەكەتتەر مەنەن داعى دا كەڭىرى بايلانىش تۉزۉپ، قىزماتتاشتاشتىق چۅلكۅمۉبۉزدۉ كەڭىرتۉۉنۉ ۉمۉت قىلابىز».

بىلۉۉگۅ قاراعاندا، 11- ايدىن 5- كۉنۉنۅن 10- كۉنۉنۅ چەيىنكى كۅرگۅزمۅ مەزگىلىندە شئنجاڭ سوودا توبۇ جىبەك جولۇ ەكونومىكالىق القاعى ۅزۅكتۉۉ رايونۇن تاانىشتىرۇۇ جانا زارىل تۉر بويۇنچا قول قويۇۇشۇ ازەمى قىيمىلىن، داعى «زاتتىق ەمەس مادانئي مۇراستار جانا جۇڭحۇا لاۋزىحاۋ» كۅرگۅزمۅ قىيمىلى جانا زاتتىق ەمەس مادانئيات مۇراستار تۉرۉۉ بويۇنچا ادابئيات كۅركۅم ۅنۅر كونسەرتىن ۅتكۅرۅت ەكەن. 



〖2019.11.06-19:20〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز