«ىردىن قاناتى» اتىنداعى كىنونۇن بۉت ماملەكەتتە تۇنعۇچ قويۇۇ ازەمى بەيجىندە ۅتتۉ

2019-10-29 16:58

 10- ايدىن 28- كۉنۉ تۉشتۅن كىيىن اپتونوم رايوندۇق پارتكوم ۉگۉت بۅلۉم پئلانداعان، تئيانشان كىنو ىستودىياسى سەنەرىياسىن جازىپ سۉرۅتكۅ العان، جاڭى جۇڭگو قۇرۇلعاندىعىنىن 70 جىلدىعىنا بەلەك قىلعان جاشتىق ىر- بىيلۉۉ «ىردىن قاناتى»اتىنداعى كىنونۇن بۉت ماملەكەتتە تۇنعۇچ قويۇۇ ازەمى بەيجىندەكى ەل سارايىندا ۅتتۉ. ىستانسىيابىز قابارچىسى لئى ۋىيدىن بۇل جۅنۉندۅكۉ قابارى.  ناق مايدان ۉنۉ: -كەلگىلە جەڭىشىبىز ۉچۉن كۅتۅرۅلۉ.

 -قانا بئر رۇمكا الالى. 

 -ەلدىك ىرلاردى جىيناعالى بارايىن دەپ جاتام.

 -وي ەمنەگە؟

  كىنودو وقشوبوعون ۇلۇتتاعى ۉچ جاشتىن ىردوو جارىشىندا جەڭىشكە جەتكەندەن كىيىن داعى دا چوڭ اڭسوونۇ كۅڭۉلگۅ بۉگۉپ، تئيانشاندىن تۉشتۉك- تۉندۉگۉن، قااقىر تالاا، جايلوو، دىيقانداردىن قورووسۇن، مالچىلاردىن بوز ۉيۉن ارالاپ، ەڭ اقىرىندا مۇزتوو ەتەگىندە مۇزىكا اڭسووسۇنا جەتكەنىندەي تااسىردۉۉ اڭگەمەسى باياندالعان. باشقى ەر كەيىپكەر ايقىن كامىلجان مىنداي دەدى:«ىرى قاناتى»-اتىنداعى كىنودو جاشتاردىن جۇڭگو اڭسووسۇنا تالپىنۇۇسۇنداعى بئر دوور تامىرى بەكەم قارمالىپ، شئنجاڭدىن ۅنۉگۉۉسۉ، اتا- مەكەندىن توقتوسۇز ۅنۉگۉپ جاتقاندىعى چاعىلدىرىلعان. 

 جاشتىق ىر- بئي كىنوسۇ قاتارى كىنودو سەگىز تەگەرەك مايدان ىر، تۅرت گۇرۇپپا ىر-بئي، ەكى بۉلۅك مۇزىكالۇۇ تىياتىردان قۇرالىپ، ىر بئي جانا ەكىران ارقىلۇۇ شئنجاڭداعى جايلوو، كۅل، جاشىل جايىق، چۅل، ايىل- قىشتاق، شاارلاردى ەلەستەتىپ، شئنجاڭدىن جەر- جەرلەرىندە كۅرك، ار ۇلۇتتاردىن سالت- سانااسىن ۅز بويۇنا قامتىعان مۇزىكا ىر بىيلۉۉ فىلىمى ەسەپتەلەت. سەنارىست لئى مۇشئى مىنداي دەدى: «بئزدىن توو- دايرابىز قووز، ىر- بئيىبىز كۅركۅم، كۅڭۉلۉبۉز جارقىن، وشوندۇقتان كۅرۅرمۅندۅرگۅ جاڭى دووردو شئنجاڭدا كۅرۉلگۅن بئر تۉردۉۉ جاندۇۇ، باقتىلۇۇ شاڭدى چاعىلدىرىپ بەردىك». 

 كىنونۇ كۅرۉپ بولعوندون كىيىن كۅرۅرمۅن شۉ چىياڭ قابارچىعا مىنداي دەدى: «شئنجاڭدىن ىر- بئيىن كىنوعو كىرىشتىرىپ، ىر ارقىلۇۇ باقتىلۇۇ تۇرمۇشتۇ بەينەلەپتىر، مەنچە بئز 56 ۇلۇت چىنىندا اناردىن اشىنداي تىعىز ىنتىماقتاشىپ جۇڭحۇا ۇلۇت ئرى ۉي- بۉلۅسۉن قۇرايبىز». 

 كۅرۅرمۅن تئيان شئنپىڭ مىنداي دەدى:«اياباي جاڭىچا، اڭگەمەسى دا جاقشى چاابىتتاندىرۇۇ كۉچۉنۅ ەە بولوپتۇر، كەزمەت بولسو شئنجاڭعا ساياقاتقا بارىپ، شئنجاڭدى جەر تۉزۉلۉشۉن، گۇمانتارلىق ۅزگۅچۅلۉگۉن ۅز كۅزۉم مەنەن كۅرۉپ كەلگىم بار». 

 «ىردىن قاناتى» اتىنداعى كىنو بىيىل 5- ايدىن 28- كۉنۉ سۉرۅتكۅ تارتىلا باشتاپ، سۉرۅتكۅ الۇۇ گۇرۇپپاسى تارباعاتاي ايماعى، بورتالا مۇڭعۇل اپتونوم وبلاستى، قاشقار ايماعى، قىزىلسۇۇ قىرعىز اپتونوم وبلاستى سىياقتۇۇ بەش ايماق وبلاس، شاارعا بارىپ سۉرۅتكۅ تارتقان. تئيانشان كىنو ىستودىياسىنىن باشچىسى، كىنونۇن باش رەجىسسورۇ، باش كىنو ىشتەچۉ گاۋ حۇاڭگاڭ مىنداي دەدى:« جۇڭگونۇن ىر بئي تۉرۉندۅكۉ كىنونۇ جاراتۇۇنۇ ىزىكتۅۅدۅكۉ بئر سىناق قاتارى مۇزىكا ىر بئيدى قاتىشتىرىپ باياندوو جاعىندا ىشكەردۉۉ جول اچتىق، وشوندوي ەلە باتىلدىق مەنەن زامانباپ، سونور، مۇزىكا بئي تئلىن جۇۇرۇلۇشتۇردۇق، وشونۇ مەنەن بىرگە شئنجاڭدىن كۅركۅم توو- دايرا، تۉركۉن- تۉستۉۉ ۇلۇتتۇق سالت- سانااسى بويۇنچا بۉت كۅرۉنۉش ىقماسىندا چاعىلدىرىپ الىپ بارىپ، شئنجاڭداعى ار ۇلۇت ۇلان- قىزدارىنىن بئر نەەتتە ىنتىماقتاشىپ، ەپكىندۉۉ ارىش تاشتاعانىن شئنجاڭدىن كۅركۉ، ىرى، بئيى ارقىلۇۇ چاعىلدىرىپ بەردىك». 




〖2019.10.29-16:58〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز