جەر- جەرلەر قىشقى ساياقاتقا قۇنت قويۇپ دايىندالدى

2019-10-26 12:01

اپتونوم رايونۇبۇزدۇن جەر- جەرلەرى 2019-، 2020- جىلدىق قىشقى ساياقاتقا قۇنت قويۇپ دايىندالدى. 

 2019-، 2020- جىلدىق قىشقى ساياقات جاقىندا كۅشۅگۅسۉن اچات، اپتونوم رايونۇبۇزدۇن جەر- جەرلەرىنىن ار قايسى كۅرك رايوندورۇ الدىن پئلانداپ، دۇبۇلباس- بارابانىن قاعىپ تۉردۉۉ قىزماتتارعا دايىندالىپ، جاڭىچا وبراز، كۅپ ۇيۇلدۇۇ تۉشۉم، ىچكە ارى چار تاراپتۇۇ تەيلۅۅ ارقىلۇۇ چار تاراپتان كەلگەن ساياقاتچىلاردى توسۇپ الۇۇنۇ قولعو كەلتىرەت. ەمى بۇل جۅنۉندۅ ىستانسىيابىز قابارچىسى گاۋ مىڭحۇي، ياڭ جۇنۇن قابارى نازارىڭىزداردا: 

ەكى كۉندۅن بەرى، ۉرۉمچۉ باييۉن ەل ارالىق قار تايعىلۇۇ مايدانى جاڭىدان ساتىپ العان قار باسۇۇ ماشئناسى، قار تايعىلۇۇ تاقتاسى، قار تايعىلۇۇ كىيىمى سىياقتۇۇلاردى ەرىش- ارقاق تاقتاپ، قىزماتكەرلەر قار تايعىلۇۇ جولۇ جانا سۉيرۉلمۅ گىلەمدى وڭدوو قىزماتىن ىشتەپ جاتات. ۉرۉمچۉ باييۉن ەل ارالىق قار تايعىلۇۇ مايدانىنىن باش دىرەكتورۇ سۉن لئىياڭ مىنداي دەدى: «بىيىلقى قار تايعىلۇۇ قۇرالدارىنىن سانىن 4 مىڭدەن اشىرابىز، وشونۇ مەنەن قاتار 5 مىڭگە جۇۇق ساياقاتچىنى قار تايعىلۇۇعا سىيدىرا الات. كىيىكى ارىمدا بئز قار تايعىلۇۇ مايدانىن اچۇۇدان مۇرداعى دايىندىق قىزماتىن بۉت كۉچۉبۉز مەنەن ىشتەپ، قىزماتكەرلەردى قابىلدوو، تاربئيالوو، تىرىنەرلەردى قابىلدوو تاربئيالوو قىزماتىن بۉيرۅ ىشتەپ، الدىن بولجوم مەنەن بئز 11- ايدىن 10- كۉنۉنۅن مۇردا قار تايعىلۇۇ مايدانىن اچابىز». 

 كۅپ جىلدىق ۉگۉتتۅپ جايىلتۇۇ ارقىلۇۇ، اپتونوم رايونۇبۇزدۇن قار تايعىلۇۇ بازارى سەكىن كەڭىرىپ، ساياقاتچىلار جانا قار تايعىلۇۇ كۉيۅرماندارى جىل سايىن كۅبۅيۉپ، جەر- جەرلەردىن قار تايعىلۇۇ مايدانى ەرىش- ارقاق قار تايعىلۇۇ جابدۇۇسۇن جاڭىلاپ، قار تايعىلۇۇ زاپچاستارىن كۅبۅيتۉپ، فۇنكىلىيورلورۇنۇن داراجاسىن جوعورۇلاتتى. ۉرۉمچۉ جىبەك جولۇ ەل ارالىق قار تايعىلۇۇ تىنىعۇۇ رايونۇ بىيىل قار تايعىلۇۇ ۉزۉرلۅنۉۉ جوعورۇ تەمپتۉۉ فۇنكىلىيورلورۇن جاڭىدان ىشكە سالىپ، فۇنكىلىيورلور لئنىياسىنىن جالپى ۇزۇندۇعۇ 1210 مەتىر، باشتالۇۇ تۉيۉنۅن ارقاندىن ۉستۉندۅ ولتۇرۇۇ ۇباقىتى 4 مئنۇتتان اشىپ كەتپەيت؛ التاي تووسۇ تالاا قار باقچاسى تىك ۇچاق جاردامچى قار تايعىلۇۇ، قار موتوسەكىلىتىن ىشكە سالىپ، قار مىشىعى سىيرىلۇۇ سىياقتۇۇ تۉرلۅردۉ جولعو قويۇپ، ساياقاتچىلاردىن سەزىنۉۉ سەزىمىن اشىردى. 

قاتۇۇ دەتال جابدۇۇلارىن ۅزگۅرتۉپ داراجاسىن جوعورۇلاتۇۇدان باشقا، اپتونوم رايونۇبۇزدۇن جەر- جەرلەرى داعى جەلەلەش جەڭىلدىك ئش چارالارىن جولعو قويۇپ ساياقاتچىلاردى ەلىكتىردى. بىيىل، التاي شاارى قار تايعىلۇۇ مايدانى جانا بئر بۅلۉك قونوق سارايلار مەنەن قىزماتتاشتىقتى قۇلاچ جايدىرىپ، قونعون ساياقاتچىلاردى ۉچ كۉندۉك اقسىز قار تايعىلۇۇ جىرعالچىلىعىنان باارلانات، ساياقاتچىلار ۇچاق بەلەتى، پويۇز بەلەتىنە سۅۅنۉپ بئر كۉن اقسىز قار تايعىلات. نارات كۅرك رايونۇ جانا سايرام كۅلۉ كۅرۉنۉش داڭقتۇۇ رايونۇ كىرۉۉ بەلەتىندە جارىم باا جەڭىلدىك بەرۉۉ چاراسىن قولدوندۇ. سايرام كۅلۉ كۅرۉنۉش داڭقتۇۇ رايونۇ بىيىل قىشتا تۉردۉۉ قىيمىلداردى ۅتكۅرۉپ، قىشقى ساياقات تۉشۉمدۅرۉن كۅبۅيتتۉ. كۅرك رايونۇن باشقارۇۇ كومىتەتى ساياقاتتى ۅنۉكتۉرۉۉنۉ باشقارۇۇ مەكەمەسىنىن باشچىسى ۋۇ لان مىنداي دەدى: «11- ايدا، ساياقات اگەنتتىگى كۅرك رايونۇنا قىشقى ساياقات لئنىياسىن پئلانداپ ۇيۇمداپ، وشوندوي ەلە سايرام كۅلۉ قىشقى سۉرۅتكۅ الۇۇ مايرامى، دوۋيئن جارىشى، 4- كەزەكتۉۉ قار- مۇز مايرامى جانا 2- كەزەكتۉۉ قىشقى قار- مۇز جارىم مارافون جارىشى سىياقتۇۇلاردى ۅتكۅرۉپ، وشوندوي ەلە تۇنعۇچ جولۇ قىشقى نادام مايرامى جىينالىشىن ۅتكۅرۅبۉز. بۇل قىيمىلدار سايرام كۅلۉنۉن جارىم جىلدىق ساياقاتىنان تۅرت مەزگىلدىك ساياقاتقا ۅزگۅرتۅت». 

 قىشقى ساياقات تۉشۉمۉن كۅبۅيتۉپ، قىشقى ساياقات ىچكى مازمۇنۇن مولۇقتۇرۇۇ جاعىندا، ىلە وبلاسى قۇنت قويۇپ جوسپورلوپ، الدىن پئلانداپ، بىيىل 11- ايدىن باشتارىنان كەلەر جىلى 2- ايدىن اقىرىنا چەيىن، قىشقى مە‍زگىلدىك اراشان ساياقاتى، گۉلدۉۉ پانۇس بۇتقانا چوعۇلۇشۇ، ەلدىك سالت- ساناا كۅچۅ رايونۇن كۅرسۅتۉۉ سىياقتۇۇ مادانئيات جانا ساياقات قىيمىلىن جولعو قويدۇ. ىلە وبلاستىق مادانئيات جانا ساياقات مەكەمەسى ۉگۉت جايىلتۇۇ جانا ىلگەرى سۉرۉۉ باشقارماسىنىن باشچىسى لئيۇ حوڭجوڭ مىنداي دەدى: «بئزدىن ىلە وبلاسى مول قىشقى ساياقات، ەلدىك سالت- ساناا كۅرۉنۉش بايلىعىنا سۉيۅنۉپ، ەرتەلەپ پئلانداپ، بئزدىن ساياقات لئنىيابىزدى، قىش مەزگىلدىك مادانئيات ساياقات قىيمىلدارىن ۇيۇمداپ، مادانئيات ساياقات بازارىنىن تۉشۉم مەنەن قامدووسۇن مولۇقتۇرۇپ، ساياقات بازارىنىن قارىدارلار بازارىن كەڭىرتىپ، داعى دا كۅپ ساياقاتچىنى ىلەگە كەلتىرەبىز». 

 اپتونوم رايونۇبۇزدۇن قىش مەزگىلدىك ساياقاتىن كۉچۅپ ۉگۉتتۅپ جايىلتۇۇ ۉچۉن، 10- ايدىن 15- كۉنۉنۅن بەرى، اپتونوم رايوندۇق مادانئيات جانا ساياقات نازاراتى بەيجىن، شاڭحاي، جىياڭسۇ، چاڭشا سىياقتۇۇ 12 ۅلكۅ، شااردا قىشقى ساياقات تاانىشتىرۇۇ جىينالىشىن اچىپ، بىيىل تئيانشان بۇعدادان سايرام كۅلۉ كۅك مۇز ساياقاتى، تئيانشاندى ايلانعان قووز كۅرۉنۉش ساياقاتى، شئنجاڭدى ايلانىپ ساياقاتى سىياقتۇۇ 10 جۉرۉش اسىل تۉشۉم قىشقى ساياقات لئنىياسىن تۉيۉندۉۉ جولعو قويدۇ. اپتونوم رايوندۇق مادانئيات جانا ساياقات نازاراتىنىن پارتگۇرۇپپا مۉچۅسۉ، ورۇن باسار نازارات باشچىسى گۉلۉ ابئلىم مىنداي دەدى: «بئزدىن قىشقى ساياقات تۉشۉمدۅرۉبۉزدۉ، قىشقى ساياقات تۉردۉۉ قىيمىلدارىن تاانىشتىرۇۇ ارقىلۇۇ، قىشقى ساياقات جەڭىلدىك ساياساتىن تاانىشتىرىپ جانا جايىلتىپ، ماقساتى بئزدىن شئنجاڭدىن قىشقى ساياقاتىنىن قارىدارلار بازارىنىن كۅمۉسكۅ كۉچۉن داعى دا تەز قازىپ، قىشقى ساياقات قارىدارلار قاينارىن جەتكىرۉۉ جولۇن ۅنۉمدۉۉ كەڭىرتىپ، وشول ارقىلۇۇ شئنجاڭدىن قىشقى ساياقاتىنىن بازارىنىن داعى دا جاقشى ۅنۉگۉۉسۉن تۉرتمۅكتۅيبۉز». 

〖2019.10.26-12:01〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز