بورتالاا وبلاسى سويۇش ۇي كەسىبىن ساپاتتۇۇ ۅنۉگۉۉسۉن جىلىشتاتتى

2019-10-25 10:19

 بورتالاا وبلاسى «باشتااق كەرقانالار» مەنەن بىرلەشىپ سويۇش ۇي كەسىبىنىن جوعورۇ ساپاتتا ۅنۉگۉۉسۉن جىلىشتاتتى. 

 ابزەلدۉۉ جاراتىلىشتىق شارتى جانا ەگىنچىلىك مەنەن مالچىلىقتىن بىرلەشكەن كەسىپ ۅزگۅچۅلۉگۉنۅ تايانىپ، بورتالاا موڭعۇل اپتونوم وبلاسى ۅكۉمۅت جەتەكتۅۅ، باشتااق كەرقانا باشتوو، دىيقان- مالچىلار قاتىشۇۇداي تالام بىرلەشمە مەحانىزىمى ارقىلۇۇ، سويۇش ۇي ناسىلىن جاقشىلوو جانا كەسىپتى ۅنۉكتۉرۉۉنۉ باچىمداتىپ، دىيقان- مالچىلاردى بايۇۇ جولۇنا باشتادى. بۇل جۅنۉندۅ ىستانسىيابىز قابارچىسى لئيۇ چئياڭدىن قابارى نازارىڭىزداردا: 

 بۇل ەكى كۉندۅ، شئنجاڭ تىيەنلاي شياڭنئيۇ ازىق تۉلۉك چەكتۉۉ شەرىكتىگىنىن جۇمۇشچۇلارى ۋۇحاندا ۅتۉۉچۉ 7- كەزەكتۉۉ دۉينۅلۉك اسكەرىي دەنە تاربئيا چوعۇلۇشۇ ۉچۉن بئر تۉركۉم جاڭىدان قوشۇلعان بۇيرۇتمالارعا ئش قوشۇۇ مەنەن قاربالاس بولۇۇدا. ەكى اپتانىن الدىندا، دەنە تاربئيا چوعۇلۇشۇندا بەكىتىلگەن ەت مەنەن قامدووچۇ جاق قاتارى، تىيەنلاي شياڭنئيۇ بئرىنچى تۉركۉمدۅكۉ 75توننا، 16تۉردۉۉ ناسىلدۉۉ ۇي ەتى تۉشۉمدۅرۉن ۋۇحانعا جەتكىرگەن. شەرىكتىكتىن دايىمدۇۇ ىشتەر ورۇنباسار باش دىرەكتورۇ حان يۉسۇڭ مىنداي دەدى: ازىر داعى 30 توننا قوشۇلدۇ. بئز توپتۇق باعىپ، بئر تۇتاش دايىنداپ، بئر تۇتاش باشقارابىز، وشوندۇقتان ساپاتى سالىشتىرمالۇۇ تىزگىندەلگەن. 

 اسكەرىي دەنە تاربئيا چوعۇلۇشۇ بولسو دۉينۅلۉك اسكەرلەردىن ەڭ جوعورۇ ۅلچۅمدۅكۉ چوڭ تىپتۉۉ ۇنىۋەرسال دەنە تاربئيا چوعۇلۇشۇ، دەنە اراكەتچىلەردىن اش تاماعىن ساتىپ الۇۇدا بئر جۉرۉش ابدان قاتااڭ كىرگىزۉۉ ۅلچۅمۉ بار. 3- ايدان باشتاپ، ۋۇحان سىياقتۇۇ جەرلەردەن كەلگەن ساپاتتى تەكشەرۉۉچۉ ورۇندار جانا ار تۉردۉۉ ۉچۉنچۉ جاق تەكشەرۉۉ اپپاراتتار، بورتالاا مۇڭعۇل اپتونوم وبلاسى تىيەنلاي شياڭنئيۇ شەرىكتىگىنىن باقماچىلىق چۅيرۅسۉنۅ، تويۇت قۇرامى جانا سويۇش ۇيدۇ سەمىرتۉۉ، سويۇۇ، تاشىمالدوو، ەڭ اقىرىندا ۇي ەتى تۉشۉمدۅرۉ سىياقتۇۇ ار بئر باسقىچتاردىن بارىنا قايرا-قايرا ىلعاپ تەكشەرۉۉ الىپ بارعان. حان يۉسۇڭ مىنداي دەدى: انىن دۉۉلۉكتۉرۉۉ دارىسى، دىيقانچىلىق دارى قالدىعى، اداتتاعى تەكشەرۉۉسۉ بولۇپ 100دۅن اشۇۇن تۉردۅكۉ تەكشەرۉۉ تۉرۉ بار، قالىپتۇۇ تەكشەرۉۉ تۉرۉ ەلە 20دان اشات، بۇل بئزدىن جالپى ئش قوشۇۇ ۅنۅرۉبۉز، جانا تۉشۉم ساپاتىبىزعا بولعون بئر جولقۇ زور جوعورۇلوو بولدۇ. 

 باش شۇجئى شئى جئنپىڭ، ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅپ، قامدوو جاق قۇرۇلمالۇۇ ىسلااتىنان تۇرعان بۇل نەگىزگى لئنىيانى بەكەم ىيگەرىپ، قامدوو جاق قۇرۇلماسىن تىنباي جاقشىلاپ، ەكونومىكانىن ۅنۉگۉۉ ساپاتىن جانا ۅنۉمۉن جوعورۇلاتۇۇ كەرەكتىگىن كۅرسۅتكۅن. ۅنۅرجاي بۇلعانۇۇسۇ جوق، جاراتىلىشتىق چۅيرۅنۉن جاشىل ورگانىكالىق ارتىقچىلىعىنا تايانىپ، بورتالاا موڭعۇل اپتونوم وبلاسى ماملەكەت سىرتىنان ساپاتتۇۇ ناسىلدۉۉ ۇي كىرگىزۉۉ ارقىلۇۇ، ناسىلىن جاقشىلوو پىلانىن جولعو قويعون. شئنجاڭ تىيەنلاي مالچىلىق چەكتۉۉ شەرىكتىگىنىن باش لئدەر ئشقاناسىنىن ورۇنباسار مۇدۇرۇ ۋاڭ چۇاڭ مىنداي دەدى: ەڭ تازا انگۋس ۅگۉزۉ جانا انگۋس ۇيۇ بۇل جەردە بار، مىندايچا ايتقاندا بئزدىن شەرىكتىكتىن كەسىپ ۅزۅگۉ بۇل جەردە، سويۇش ۇي كەسىبىندە العىلىقتۇۇسۇ ناسئلىن تاندوو، تەك جاقشى ناسىل بولعوندو انان جاقشى تۉشۉم پايدا بولوت. 

 2017- جىلدان باشتاپ، بورتالاا مۇڭعۇل اپتونوم وبلاسى انگۋس ۇي ناسىلىن جاقشىلوو قىزمات دولبوورۇن چىعارىپ، باقماچىلىق كەرقانالار مەنەن بىرلەشىپ، بئر جۉرۉش ۇي ناسىلىن جاقشىلوو تولۇقتاما مەحانىزىمىن چىعارىپ، قارجىلاي تىكەلەي تولۇقتاما بەرۉۉ+كەرقانا جاردام بەرىپ ارى قايرا ساتىپ الۇۇ ىڭعايى ارقىلۇۇ، ايلاناسىنداعى دىيقان مالچىلاردى انگۋس ۇيۇن باعۇۇعا جەتەكتەگەن. 

 بىلتىر بورتالاا شاارى ارالتوقاي مالچىلىق مايدانىنداعى مالچى اسقابات تولۇقتاما الۇۇ ارقىلۇۇ 30 مئڭ يۇاندىق انگۋس ناسىلدۉۉ بۇقاسىن ۉيۉنۅ الىپ كەلگەن. بئر جىلدا، ۉيۉندۅكۉ مۇزوونۇن سانى 15گە ارتقان. انى ەڭ ەلە سۉيۉنتكۅنۉ، كەرقانا مۇزوولورۇن قايرا ساتىپ العان. اسقابات مىنداي دەدى: بىرۅۅنۉ 6800 يۇاندان بەشۅۅنۉ 34 مئڭ يۇانعا ساتتىم، پارتئيانىن جاقشى ساياساتىنا ابدان ىراازىمىن، بئز ابدان سۉيۉنۉپ جاتابىز. 

 بورتالاا مۇڭعۇل اپتونوم وبلاسى دىيقان مالچىلاردى انگۋس سويۇش ۇيۇنۇن ناسىلىن جاقشىلوو پىلانىنا قاتىشۇۇعا شىقتاندىرۇۇ مەنەن بىرگە، داعى زامانباپ ايىل چاربانى ۅنۉكتۉرۉۉ ارىمىن تىنباي باچىمداتقان. بىيىل، بورتالاا شاارى ناسىلدۉۉ ۇي، ورگانىك سەمىرتكىچ، جۉگۅرۉ جانا تويۇتتان قالىپتاشقان ايلامپالۇۇ كەسىپ جەلەسىنە تايانىپ، سويۇش ۇيدۇن كۅلۅمۉن كەڭىرتىپ، جۉگۅرۉ قۇرۇلماسىن تەڭشۅۅنۉ جول قىلىپ، ەكى جىل قۇرۇۇ ارقىلۇۇ ماملەكەتتىك زامانباپ ايىل چاربا كەسىپ باقچاسىنىن تالابىنا جەتۉۉدۅي ۅنۉگۉۉ نئشاانىن قولعو كەلتىرۉۉنۉ ورتوعو قويعون. بورتالاا شاارىنىن ورۇنباسار شاار باشچىسى قالبىيات ىسلامقان مىنداي دەدى: ازىرعا چەيىن، بانكە 50 مئللىيون يۇاندىق قارىز اقچانى چەچتى، ار بئر ۇيدۇن بئر جارىم جىلدىق قارىز اقچا ۅسۉم تولۇقتاماسىنىن باردىعىن ۅكۉمۅت ۉستۉنۅ الدى، بئر ۇيدۇن قامسىزداندىرۇۇسۇن ۅكۉمۅت ۉستۉنۅ الدى، كىيىنكى توڭدۇرۇلعان ۇرۇق، ۇرۇقتاندىرۇۇ، ناسىلىن جاقشىلوو جاعى دا بار، ار بئر ۇيدۇن ناسىلىن جاقشىلوو ۉچۉن بئز 150 يۇان تولۇقتاما بەرەبىز، بئزدىن كىيىنكى ۅنۉگۉۉ باعىتىبىز سويۇش ۇيدۇ نەگىز قىلىپ، مالچىلىقتى جوعورۇ ساپاتتا ۅنۉكتۉرۉۉ. 

 ۇچۇردا، بورتالاا مۇڭعۇل اپتونوم وبلاسى ماملەكەتتىك سويۇش ۇي ۅزۅكتۉۉ جەتىشتىرۉۉ مايدانىنان بئردى ۅتۉنۉپ، كۅلۅمدۅشكۅن باقماچىلىق مايدانىنان 245تى جەتىشتىرىپ، انگۋس سويۇش ۇيۇ ارقىلۇۇ جەرگىلىكتەگى 235 تۉتۉن دىيقان مالچىلاردى كىرەشە ارتتىرۇۇعا تۉرتمۅكتۅپ، ار بئر تۉتۉندۉن بئر جىلداقى ورتوچو كىرەشەسى 70 مئڭ يۇانعا جەتىپ، توپتۇق ناسىلدەندىرۉۉ، باعۇۇ، ئش قوشۇۇ، ساقتوو، زات جۉگۉرتۉۉ، ساتۇۇنۇ بئر تۇلقۇ قىلعان بۉت كەسىپ جەلەسىن العاچقى باسقىچتا قالىپتاشتىرعان.

〖2019.10.25-10:19〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز