اق تىشتۇۇ كىتەپتەردەن ۉيرۅنۉۉ مايەك جىينالىشى اچىلدى

2019-10-17 16:44

شئنجاڭ قوومدۇق ىلىمدەر نازارىيا سالااسىنداقىلار «شئنجاڭدىن بئر قانچا تارىحىي ماسەلەسى» سىياقتۇۇ اق تىشتۇۇ كىتەپتەرىن ۉيرۅنۉۉ مايەك جىينالىشىن اچتى. 

 10- ايدىن 15- كۉنۉ اپتونوم رايوندۇق قوومدۇق ىلىمدەر سالااسىنداقىلار بىرلەشمەسى شئنجاڭ قوومدۇق ىلىمدەر نازارىيا سالااسىنداقىلاردى «شئنجاڭدىن بئر قانچا تارىحىي ماسەلەسى» «شئنجاڭدىن تەروردۇققا قارشى تۇرۇپ، وپسۇزدۇقتۇ جويۇۇ كۉرۅشۉ جانا كىشىلىك ۇقۇق قامتاماسىزداندىرۇۇسۇ» «شئنجاڭدىن كەسىپتىك جۅندۅمگۅ تاربئيالوو قىزماتى» سىياقتۇۇ اق تىشتۇۇ كىتەپتەرىن ۉيرۅنۉۉ مايەك جىينالىشىن ۇيۇمداپ اچتى. اپتونوم رايوندۇق پارتكوم پارتئيا مەكتەپ، شئنجاڭ قوومدۇق ىلىمدەر اكادەمىياسى، بئر بۅلۉك جوعورۇ وقۇۇ جايلارى، اپتونوم رايوندۇق قوومدۇق ىلىمدەر بىرلەشمەسى قاراماعىنداعى قوومدۇق ۇيۇمداردان كەلگەن جۉزگۅ جاقىن ادئس وقۇمۇشتۇۇلار جىينالىشقا قاتىشتى، 10 ۅكۉل «شئنجاڭدىن بئر قانچا تارىحىي ماسەلەسى» سىياقتۇۇ اق تىشتۇۇ كىتەپ مازمۇنۇن ۉيرۅنۉۉ، ىزىلدۅۅ، ۉگۉتتۅۅنۉ ىمەرچىكتەپ مايەك الىپ بارىپ پىكىر الماشتىردى. 

 ادئس وقۇمۇشتۇۇلار مىنداي دەپ قارادى: «شئنجاڭدىن بئر قانچا تارىحىي ماسەلەسى» اق تىشتۇۇ كىتەبىن ۉيرۅنۉپ، باشتان- بويعو شئنجاڭدىن تارىحىن جۇڭگونۇن بىردىككە كەلگەن، كۅپ ۇلۇتتۇۇ ماملەكەتتىن تارىحىي ىلگەرلۅۅسۉنۅ قويۇپ تۉشۉنۉپ، تۇۇرا ماملەكەت قاراشىن تۇرعۇزۇۇ كەرەك؛ شئنجاڭداعى ار ۇلۇت مادانئياتىنىن باشتان- بويعو جۇڭحۇا مادانىيلىگىنىن كۉردۉۉ توپۇراعىنا تەرەڭ تامىر تارتقانىن، جۇڭحۇا مادانئياتىنان ايرىلسا، شئنجاڭداعى ار ۇلۇت مادانئياتىنىن تامىرىنان، قاسىيەتىنەن ايرىلاتۇرعانىن تەرەڭ تاانۇۇ كەرەك؛ جۇڭحۇا مادانئيات مايدانىندا بەكەم تۇرۇۇ، جۇڭحۇا مادانئياتى گەنىنە مۇراگەردىك قىلۇۇ، ار ۇلۇت ەلىنىن ورتوق رۇحۇ جۇرتۇن قۇرۇۇنۇن شئنجاڭداعى ار ۇلۇت ەلى، ايرىقچا قوومدۇق ىلىمدەر نازارىيا سالااسىنداعى قىزماتكەرلەردىن جارقىن نارقتۇۇ تالپىنۇۇسۇ ەكەنىن تەرەڭ تاانۇۇ كەرەك. 

 ادئس وقۇمۇشتۇۇلار مىنداي دەپ قارادى: «شئنجاڭدىن تەروردۇققا قارشى تۇرۇپ، وپسۇزدۇقتۇۇ جويۇۇ كۉرۅشۉ جانا كىشىلىك ۇقۇق قامتاماسىزداندىرۇۇسۇ»اق تىشتۇۇ كىتەبىن ۉيرۅنۉپ، شئنجاڭدىن الدىن الۇۇ مۉنۅزدۉۉ تەروردۇققا قارشى تۇرۇۇنۇ بئرىنچى ورۇنعا قويۇۇدا بەكەم تۇرۇپ، زاكون بويۇنچا تەروردۇققا قارشى تۇرۇۇ، وپسۇزدۇقتۇۇ جويۇۇ كۉرۅشۉن قۇلاچ جايدىرۇۇ، تەروردۇققا سوققۇ ۇرۇۇنۇن قالىستىق مۉنۅزۉن ۅرچۉتكۅنۉن، شئنجاڭداعى ار ۇلۇت ەلىنىن قووپسۇزدۇققا بولعون چىن ىقىلاستۇۇ تىلەگىن قانااتتاندىرىپ، قوومدۇن شايكەشتۉۉ وموقتۇۇلۇعۇن قورعووعونۇن، وشونۇ مەنەن بىرگە ەل ارالىق تەروردۇققا قارشى تۇرۇۇ كۉرۅشۉنۅ سالىم قوشقوندۇعۇن تەرەڭ تاانىپ جەتۉۉ كەرەك. قوومدۇق ىلىمدەر نازارىيا سالااسىنداعى قىزماتكەرلەر ىشتىكتۉۉلۉك مەنەن ار ۇلۇت ەلىنە اق تىشتۇۇ كىتەپتىن مازمۇنۇن ۉگۉت قىلىپ، ار ۇلۇت ەلىنىن اقىل- ىدىرەەك جانا كۉچۉن شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇ باش نئشاانىن جىلىشتاتۇۇداي ۇلۇۇ ىشىنە ۇيۇتۇۇ كەرەك. 

 ادئس وقۇمۇشتۇۇلار مىنداي دەپ قارادى: «شئنجاڭدىن كەسىپتىك جۅندۅمگۅ تاربئيالوو قىزماتى» اق تىشتۇۇ كىتەبىن ۉيرۅنۉپ، سۅزسۉز شئنجاڭدىن زاكون بويۇنچا تاربئيالوو بوربورۇن قۇرۇۇسۇ ـــ زومبۇلۇق، تەروردۇق دەلولورۇن توسۇپ، دئنىي وپسۇزدۇقتۇن پايدا بولۇۇ، جامىروو توپۇراعىن توزدۇرۇۇداعى چۇقۇل اجات ەكەنىن، جارانداردىن نەگىزگى ۇقۇق- تالامىن ەڭ زور داراجادا قامتاماسىزداندىرىپ، زومبۇ، تەروردۇق، دئنىي وپسۇزدۇقتۇن زىيانىنان ساقتوودوعۇ چۇقۇل اجاتى ەكەنىن، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇسۇن ئش جۉزۉنۅ اشىرۇۇداعى چۇقۇل اجات ەكەنىن تەرەڭدەي تاانىپ جەتۉۉ كەرەك؛ شئنجاڭدىن كەسىپتىك جۅندۅمگۅ تاربئيالوو قىزماتىن قۇلاچ جايدىرۇۇسۇ جۇڭگونۇن ەل ارالىق تەروردۇققا قارشى تۇرۇۇ، وپسۇزدۇقتۇۇ جويۇۇ دەمىلگەسى جانا انىن تۉشۉنۉگۉن جۉزۅلۅشتۉرۉۉسۉندۅكۉ كونكىرەت چاعىلدىرۇۇسۇ ەكەنىن، شئنجاڭداعى ار ۇلۇت ەلىنىن تۉپكۉ تالامى جانا تالابىنا، دۉينۅدۅكۉ ار قايسى ماملەكەت ەلىنىن تۉپ تالامى جانا تالابىنا ىلايىق ەكەنىن تەرەڭ تاانىپ جەتۉۉ كەرەك. قوومدۇق ىلىمدەر نازارىياسى سالااسىنداعى قىزماتكەرلەردىن دۉينۅگۅ جۇڭگو قۇلاچ جايدىرعان كەسىپتىك جۅندۅمگۅ تاربئيالوو قىزماتىنىن چىنىعى ابالىن جانا كۅرۉنۉكتۉۉ بەرەكەتىن تاانىشتىرۇۇ مىلدەتى بار، ەل اراداعى كەە بئر جامان نەەتتۉۉ، «قوش ۅلچۅم» مەنەن الەكتەنگەن، كەسىپتىك جۅندۅمگۅ تاربئيالوو بوربورۇن جامان جاققا بۇرمالاعان كىشىلەر مەنەن چەچكىن كۉرۅش قىلۇۇ جووپكەرچىلىگى بار. 

〖2019.10.17-16:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز