«بەش تۉستۉۉ لەنتا» قووز سۉرۅت وروموسۇن سىزىپ چىقتى

2019-10-06 16:26

 ۇشۇل بئر نەچە كۉندۅ، بەيجىن ولمپىك باقچاسىندا تارتىمدۇۇ بوي كۅرسۅتكۅن «قووز شئنجاڭ» جاسالعالۇۇ ماشئيناسى كۅپچۉلۉكتۉن نازارىن وودارعان تۉيۉنگۅ ايلاندى، تۉستۉۉ ماشئينا كۅپ تۉردۉۉ ەلەمەنت ارقىلۇۇ شئنجاڭداعى ار ۇلۇت ۇلان- قىزدارىنىن بۉت ماملەكەت ەلى مەنەن بىردىكتە ماملەكەت مايرامىن چوعۇۇ قۇتتۇقتاپ، جۇڭگو اڭسووسۇن بىردىكتە ىشكە اشىرۇۇداي قووز سۉرۅت وروموسۇن سىزىپ چىقتى. ەمى بۇل جۅنۉندۅكۉ قابارى نازارىڭىزداردا:

  «قووز شئنجاڭ» جاسالعالۇۇ ماشئيناسىنىن وڭ- سول ەكى قاپتالىندا، التىن، كۉمۉش، جاشىل، كۅك، سارى بەش تۉستۉۉ جىبەك لەنتا نەگىزگى ەلەمەنتى جانا وبرازى بولۇپ، ايرىم- ايرىم جىبەك جولۇ مادانئياتى، شاار مادانئياتى، جاشىل جايىق مادانئياتى، جايلوو مادانئياتى جانا اسكەرلەردىن دىڭ جەر اچۇۇ مادانئياتىنا ۅكۉل بولعون. ويۇ مەنەن سىزۇۇداي ىقمادا شئنجاڭدىن «جىبەك جولۇ ەكونومىكا القاعى» ۅزۅكتۉۉ رايونۇنداعى زارىل وردۇ جانا رولۇن، ارى قول جەتكىرگەن ۅنۉگۉۉ تابىلعالارى مەنەن كەلەچەككە بولعون قووز تىلەگىن چاعىلدىرعان. گانسۇلۇق كۅرۅرمۅن جاۋ جىيايئى مىنداي دەدى: بۇل بەش تۉستۉۉ لەنتا ابدان چىيراق جاقشىناقاي چىعىپ، جەلبىرەپ ارى جاندۇۇ، ىچكەلەي قاراساڭىز كەرىلگەن ەكى قاناتقا وقشوپ، ار ۇباقىت كۅكۅلۅۅگۅ دايىن تۇرعانداي كۅرۉنۅت، مەنچە بۇل داعى شئنجاڭدىن بئر تۉردۉۉ چىمىرقانا ناتىيجاعا قول جەتكىرۉۉدۅي رۇحۇ جانا قووز ۅنۉگۉۉ كەلەچەگىنە ۅكۉل بولعون. بەيجىندىك كۅرۅرمۅن لئيۇ رۉيدوڭ مىنداي دەدى: شئنجاڭدىن جاسالعالۇۇ ماشئيناسىن ابدان جاقشى جاساپتىر، شئنجاڭ بئزدىن ار قايسى ماملەكەتتەر مەنەن ەڭ كۅپ جالعاشقان ۅلكۅ رايونۇبۇز، «بئر القاق بئر جول» دەمىلگەسىندە، شئنجاڭدىن مىندان ارى كەلەچەگى نۇرلۇۇ بولۇپ، ەلدىن تۇرمۇشۇ داعى بارعانسايىن جاقشى بولوت.

 جاسالعالۇۇ ماشئنانىن باشقى وردۇندا بئر جۇڭگو تۉيۉنۉ بار، بەش تۉستۉۉ لەنتانى جالعاشتىرىپ تۇرات، بۇل شئنجاڭداعى ار ۇلۇت ەلىنىن بىردىكتە قول قارماشىپ، قووز شئنجاڭدى ورتوق قۇرۇۇسۇنا سئمۋولدوشتۇرۇلعان. مەتال سىر بۉركۉپ جاسالعان تۉستۉۉ لەنتالار ارى تۉستۉۉ لەنتالارداعى ويمو- كۅپتۉرمۅ ويمو جانا ۅرنۅكتۅر كۅزدۉن جووسۇن الىپ، جانى بارداي كۅرۉنۅت. شئنجاڭ جاسالعالۇۇ ماشئيناسىن دولبوورلوپ جاسوو اتايىن قىزماتىنىن باشقى رەجىسسورۇ جاڭ يئگاڭ مىنداي دەدى: شئنجاڭ اتا- مەكەن قۇچاعىنداعى شئنجاڭ، بئز چىن جۉرۅگۉبۉزدۅن، بااردىعىبىزدىن بئر جۇڭگو جۉرۅگۉبۉز بار ەكەنىن چاعىلدىردىق. ازىر قووم ابدان وموقتۇۇ، كۅپچۉلۉكتۉن ەە بولۇۇ سەزىمى داعى ابدان كۉچتۉۉ. بئز پارتئيا بوربوردۇق كومىتەتىنە ىراقمات ايتابىز، باش شۇجئى شئى جئنپىڭگە ىراقمات ايتابىز.

〖2019.10.06-16:26〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز