شئنجاڭ تەمىر جولۇ تاشىمال كۉچۉن ارتتىرىپ، جايقى كانىكول تاشمالداقى جۉرگۉنچۉلۅردۉن ساپارعا چىعۇۇسۇنا كەپىلدىك قىلدى

2019-07-04 17:14

 7- ايدىن 1- كۉنۉنۅن 8- ايدىن 31- كۉنۉنۅ چەيىن، 62 كۉندۉك شئنجاڭ تەمىر جولۇنۇن جايقى كانىكول تاشىمالى باشتالدى، بوجومول مەنەن 10 مئللىيون 180 مئڭ ادام ىرەت جۉرگۉنچۉ جۅنۅتۉپ، وقشوش مەزگىلدەگىدەن 1 مئللىيون 660 مئڭ ادام ىرەت ارتات ەكەن. شئنجاڭ تەمىر جول تارماقتارى تاشىمال كۉچۉن ارتتىرىپ، تەيلۅۅسۉن كۅتۅرۉپ، جايقى كانىكول تاشمالىنداقى جۉرگۉنچۉلۅردۉن ساپارعا چىعۇۇسۇنا كۉچۅپ كەپىلدىك قىلات.

  بىلۉۉگۅ قاراعاندا، 7- ايدىن 10- كۉنۉ، شئنجاڭ تەمىر جولۇ جىل ىچىندەكى 9- جولقۇ جۉرگۉنچۉلۅر پويۇزۇنۇن جۉرۉۉ قارىيتاسىن تەڭشەيت، وشول كەزدە ايرىم جۉرگۉنچۉلۅر پويۇزۇنۇن جۉرۉۉ رايون ارالىعىن جاقشىرتىپ تەڭشەپ، لانجوۋ-شئنجاڭ جۉرگۉنچۉلۅر اتايىن لئنىياسىنداقى كۉلۉك پويۇزۇ قايرادان ىرەتتەلىپ، 11.5 جۇپ كۉلۉك پويۇزدۇ توقتوتۇپ، جاڭىدان 18.5 جۇپ جۉرگۉنچۉلۅر كۉلۉك پويۇزۇن قوشۇپ جۉرگۉزۉپ، كۉلۉك پويۇزدۇن جۉرۉۉ ۇباقىتى ەڭ كۅپ بولعوندو 28 مئنۇت قىسقارات.

 

  جايقى كانىكولدوقۇ جۉرگۉنچۉلۅردۉن ساپارعا چىعۇۇ ارتىقچىلىعىنا قاراتا، شئنجاڭ تەمىر جولۇ ۉرۉمچۉدۅن قومۇل باعىتىنا جۉرگۅن جۉرگۉنچۉلۅر پويۇزۇن قايرادان بىرىكتىرىپ جۉرگۉزۉۉنۇ ورۇنداشتىرات. كۉلۉك پويۇزدۇ قايرا جالعاپ جۉرگۉزگۅندۅن كىيىن، جۉرۉۉ قۇرباتى بئر ەسە جوعورۇلاپ، جۉرگۉنچۉلۅردۉن ساپارعا چىعۇسۇ انسايىن وڭتويلۇۇ بولوت. مۇردا ار اپتانىن بەشىنچى كۉنۉ، جەكشەمبى كۉنۉ ۉرۉمچۉدۅن قۇلجاعا جۉرۉۉچۉ K9607/8 ىرەتكى اپتا اقىرىنداقى تەز پويۇز، جايقى كانىكول مەزگىلىندە ار كۉنۉ جە كۉن تانداپ جۉرگۉزۉلۅت.

  كانىكولدوقۇ تاشىمالدىن كىيىنكى مەزگىلىندە، شئنجاڭ تەمىر جول تارماقتارى ۉرۉمچۉدۅن شاڭحايعا بارۇۇچۇ ۇباقىتىلۇۇ 4 جۉرگۉنچۉ پويۇزۇن قوشۇپ، وشوندوي ەلە ۉرۉمچۉ، لوياڭدان شاڭحايعا بارۇۇچۇ 2 ۇباقتىلۇۇ پويۇزدۇ جۉرگۉزۉپ، مەكتەبىنە قايتقان وقۇۇچۇلاردى تاشىيت. چىڭدۇ، چوڭچئڭ، انكاڭدان ۉرۉمچۉگۅ 2 جۇپ ۇباقىتىلۇۇ جۉرگۉنچۉ پويۇزۇن قوشۇپ، نەگىزىنەن شئنجاڭعا پاحتا تەرگەنى كەلگەن جۇمۇشچۇ اعىمىنىن ساپارعا چىعۇۇ اجاتىن قانااتتاندىرات.

 

   كانىكولدوقۇ تاشىمال مەزگىلىندە، «تۉندۉك شئنجاڭدى ايلانىپ ساياقاتتوو»، «تۉشتۉك شئنجاڭعا ساياقات» اتتۇۇ ساياقات كەزەكچى پويۇزۇ ۇلاندۇۇ ازىرقى دولبوورۇ بويۇنچا جۉرۅ بەرەت.

 كانىكولدوقۇ جۉرگۉنچۉ اعىم ۅزگۅچۅلۉگۉنۅ نەگىز، شئنجاڭ تەمىر جول تارماقتارى ار قايسى ۋاگىزالدارقى قولدو بەلەت ساتۇۇ كۅزۅنۅگۉ جانا اپتوماتىك بەلەت ساتۇۇ اسپابىن ورۇنداشتىرۇۇنۇ تەڭشەپ، جۉرۉۉ ىرەتى جانا بەلەت ساتۇۇ قىزماتكەرلەرىن ىلايىعىندا تەڭشەپ، جوعورقۇ بەلەستەكى بەلەت ساتۇۇ كۅزۅنۅك سانىن ارتتىرىپ، بەلەت ساتۇۇ ۇباقتىن ۇزارتىپ، جۉرگۉنچۉلۅردۉن بەلەت ساتىپ الۇۇسۇنا وڭتويلۇۇلۇق جاراتتى.

 

〖2019.07.04-17:14〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز